Showing posts with label Mótorsport. Show all posts
Showing posts with label Mótorsport. Show all posts

Thursday, November 30, 2006

WRC

Fór að horfa á WRC fyrir tveim vikum síðan.

Flaug til Auckland sem er stærsta borgin á norðureynni. Rallyið var svo í nágrenni Hamilton, sem er 100 þús manna borg. Fór þetta með Valda frænda hennar Þorbjargar.

Það sem stendur upp úr er að Marchus Grönholm vann þetta, og þeir eru alveg fjandi góðir að keyra þessir menn, hefði ekki trúað því fyrr en maður sér það svona með berum augum.
Svo var allur service og super special stagein á sama staðnum, Þetta er húsið sem servicinn var í. Þeir komu þá altaf þarna í hádeginu og á kvöldin.

Kom mér líka mikið á óvart hvað landslagið á norðureyjunni er frábrugðið því hérna. Hérna á suðureyjunni er það meira annaðhvort flatlendi eða stór brött fjöll (fjallgarðar kannski frekar). Meðan norðureyjan er öll í hólum, nánast engin fjöll, og eru þau þá stök.

Hérna eru myndir úr keppninni.......

Og Hérna er video af Marchus...

Monday, October 16, 2006

Derby Keppnin

Sælir sveitungar.

Beltin voru spent og bensínið var sett í botn á laugardagskvöldið. Þá settumst við þrír undir stýri og ætluðum okkur að reyna að myrða aðra bíla. Mat hann var á stóra bílnum sem átti að vernda okkur, við ætluðum að reyna að vera nálægt hvor öðrum, nema Mat negglir inn einn bíl þegar hann er búinn með 500m í mestalagi og er úr. Ég og Símon höldum áfram, en ég nennti nú ekkert að bíða eftir honum, fór allt of hægt, og nennti heldur ekki að vera að forðast alla bíla. Mér tókst að snúa tveimur allavegana ansi snyrtilega, þó ég segi sjálfur frá og setja þá þá í veg fyrir aðra sem nelgdu á þá. Og það var helvíti gaman, fékk klapp og fagnaðarlæti frá einhverjum þúsundum held ég, aldrei skeð áður.

En ég held að ég hafi lent í svona sjötta sæti af þrjátíu og eitthvað og Símon þá í fimmta. En það sá heldur varla á bílnum hans. Og ég tel þetta bara fínan árangur miðað við hvað við vorum á litlum bílum. Vorum að keppa við gamlan Volvo og einhverja Forda og aðra mun stærri bíla.

Það voru allskonar kappakstrar á allskonarbílum á undan okkur, við vorum í lokin. Hápunktur kvöldsins.

Þetta var allavegana mjög gaman, þó þetta hafi ekki verið nema í kannski 15 mín.


Innanúr bíl Mat


Bílinn minn nýmálaður og fínn



Brautin , við urðum alltaf að keyra í sömu átt og áttum ekki að fara inn á grasið. Svo í lokinn þá var bara einn beinn kafli lokaður af og síðustu 10 bílarnir settir þar. Þá tók þetta nokkuð fljótt af, var svo þröngt.
Margir mjög flotti bílar þarna.
Þessi trúlega yfir 700 hö og undir 1000 kg.


Bíllinn minn eftir átökin. Á enga betri mynd, voðalega erfitt að taka út af ljósunum.


Mat og Holdeninn

Monday, September 25, 2006

Derby

Jæja góðir hálsar.

Allt fínt að frétta héðan. Harði diskurinn í tölvunni minni hrundi á fimmtudag og er talvan fyrst að verða nothæf aftur núna. Það vildi svo ótrúlega skemmtilega til að ég hafði tekið afrit af öllu skóladótinu nema skýrslunni af verkefninu daginn áður en diskurinn hrundi. Svo fattaði ég að ég hafði sent Andy afrit af skýrslunni daginn áður en diskurinn hrundi, þannig að ég tapaði rétt einum degi. Mjög sáttur. Tók síðast afrit fyrir rúmum mánuði þar á undan.
En núna er komið mission í gang. Ég og Símon allavega, kannski einn í viðbót ætlum að taka þátt í keppni sem heytir Bash For Beer. Þetta er derby keppni í skólanum. En derby gengur út á það að græja druslu bíl, fyrir sem minnstan pening til að keppa og gengur keppnin út á það að eyðileggja bíla andstæðingana = KLESSÓ.
Sá vinnur sem einn stendur eftir.
Það er held ég bara ein regla sem maður þarf að fara eftir eftir að keppnin er hafin en hún hljóðar svo: This competition is with the intention of demolishing the opponents’ vehicle. Those not actively participating in the spirit of the intention can be excluded from the event and from the prize.
Við erum komnir með tvo bíla. Einn Holden Sem afturhjóladrifinn Ástralskur Station Wagon og svo einhvern Nissan Pulsar eða eitthvað. Við fengum Nissaninn á 1700 kr og Holdeninn frían. En hann gengur bara á þrem af fjórum!!


Verið að ná í Holden

Búið að taka til í Nissan

Paul hress á kantinum

Símon ekki síður hress
Svo á bara að halda áfram að græja í vikunni.

Bið að heilsa
Ingólfur